Herliðið heim frá Írak..???

Vonandi er Gordon Brown ekki að lofa uppí ermina, eitt kosningaloforðið til. Allt breskt herlið heim frá Írak. Eftir hryðjuverkið fræga á lestunum á Spáni, stóðu kosningar fyrir dyrum, og er talið að það hafi verið rós í hnappagat Zapatero sem vann kosningarnar, en Asnar sem hafði verið forsætisráðherra á undan féll í þeim kosningum. En jafnframt var það eitt af kosningaloforðum Zapatero að kalla allt Spænskt herlið heim fyrir lok mai, þetta sama ár ´04 og hann stóð við það.

Hvað gerir Gordon Brown? Kallar hann allt breskt herlið heim frá Írak?

Telja að Brown muni kalla breskt herlið heim frá Írak

Sjarmerandi....eða hvað...???

Ég sé að margir hafa áhuga á þessari frétt, kannski ekki nema von. Að fá skalla, er eitur í beinum sumra karlmanna, það er meira að segja þekkt fyrirbæri að karlmenn nái sér í toppa til að hylja bersvæðið. Sem betur fer, fyrir suma, er, að það er í INN núna að vera með nauðrakað höfuð. Það eru ekki konur einar sem elta tískuna, annars getur það bara verið sjarmerandi að vera með smáskalla, eða jafnvel nauðrakaður, ef að höfuð lagið er þannig.

 Það er að segja, ef að allt er í lagi með toppstykkið sem er undir. 

Vonir glæðast um að hægt sé að meðhöndla skalla

Mergurinn málsins....

Það hefur verið talsvert í umræðunni að konur séu ekki nógu atkvæðamiklar og áberandi í t.d. pólitík. Hverju sé um að kenna og allt það. (Gamla lumman.)

En skoðum málið aðeins.

Karlar hafa verið í valdastöðunni langt, langt aftur í tímann. Einni og einni konu er hleypt í gegnum Þennann valdamúr og stundum hefur maður það á tilfinningunni að það sé dúsa svona rétt til að halda friðinn. En hvernig líta karlmenn á konur svona yfirleitt? Eru það gömlu hlutverkin sem ráða ferðinni, eiga konur bara að vera húsmæður og mæður og vinna hlutastörf til að leggja í púkkið með eiginmanninum, eða hvað? Eru þessi gömlu gildi á lífi ennþá? Eða hefur sumt af þessu lifað af og fylgt hlutverkinu.

Í dag mennta konur sig og afla sér þekkingar og eru fljúgandi greindar, en passar það í raun og veru við hlutverk þeirra? Ég er hreint ekki viss um það.

Nú er leiði, tímarnir breytast nefnilega, við verðum að fylgja með. Meira að segja Frakkar sem hafa eingöngu litið á konur sem leikföng handa þeim (körlunum) skipað konur í ráðherraembætti.

Við erum konur, það er vitað fyrir löngu. En við erum konur ...... Með .....heilabú sem virkar.

En hvert er þá hlutverk karlanna? Eru þeir í Tarsan hlutverkinu með svuntu. Nú versnar í því....hvorugt kynið þekkir sitt hlutverk, eru allir þessir skilnaðir og endalaus óhamingja útaf því. Þetta er sko flókið og eldfimt mál. Og enginn virðist geta svarað.

Svo ég ætla að glápa smástund á sjónvarpið, þá þarf ekki að hugsa neitt. En til öryggis....Sweet Dreams og Góða Nótt.

Baugsstjórn...

´Hegðun Jóns Sigurðssonar formanns Framsóknarflokksins er hegðun þess sem tapar, biturleiki og árásagirni einkennir hegðun hans. Hvað er hann að blanda Baugsmálinu inn í þessa pólitík, það er nú komið meira en nóg af því máli. Guðni Landbúnaðarráðherra hegðar sér lítið betur, það er auðséð að það er erfitt að yfirgefar ráðherrastólana, það sýnir sig. Vonandi ganga þessar samningaumræður sem fyrst, þetta verður sterk stjórn. Og við sjáum svo bara til.

Jón Sigurðsson: Staðfestir trúnaðarbrest milli Framsóknarflokks og Sjálfstæðisflokks

Konur í ráðherrastóla

Það er vonandi að nýja ríkisstjórnin taki franska forsætisráðherrann sér til fyrirmyndar og skipi konur til jafns við karla í ráðherra stólana. Síst af öllu hefði ég búist við þessu af frökkum, þessu karlavígi. En batnandi mönnum er best að lifa. Nú er kona komin í samningsaðstöðu og tel ég það vita á breytingar, eða ég vona það. Ef það tekst að mynda stjórn með Sjálfstæðisflokki og Samfylkingunni verða örugglega breytingar til góðs fyrir konur, ég vil trúa því.

Konur sitja í helmingi ráðherrastóla í Frakklandi

Geir og Ingibjörg

Eftir 12 ára samvinnu hefur forsætisráðherra ákveðið að Sjálfstæðisflokkur og Framsókn starfi ekki saman lengur, sú stjórn myndi ekki hafa þann styrkleika sem þarf í samstarfið. Skellurinn sem Framsókn fékk í síðustu kosningum er aðalorsökin.

Næsta skref er því Sjálfstæðisflokkur og Samfylkingin, vonandi tekst að koma þeim saman, það er í rauninni ekki svo mikið bil á milli þeirra að það megi ekki brúa það. Ef þetta tekst sem ég vona að verði að veruleika, eigum við von á sterkri stjórn næsta kjörtímabil. Ég er á því að þetta gæti orðið góð stjórn, ef þeir standa við eitthvað af kosningaloforðunum.

 

Græðgi....

Jamm...því segi ég það..... að græðgin í hvaða formi sem er leiðir fólk á ótrúlegustu villigötur. Þessi nýjasta frétt Mbl. segir okkur að ganga hægt um gleðinnar dyr, það er nefnilega alddrei að vita hvað bíður hinumegin. Það er örugglega ekkert spaug að heyra fangelsisdyrnar lokast á eftir sér. Það er ekkert spaug fyrir þann sem svíkur, það er líka fyrir ættingjana sem í mörgum tilfellum eiga sér einskis ills von. Í sumum tilfella vita einhverjir um málið en segja ekkert, hvað er það: Það heitir að vera samsekur í þögn!

En bíðum nú aðeins við ! Hefur ekkert gerst sem beinlínis segir til um sektina, meiri fjárráð? Sem dæmi er mjög óeðliegt að venjuleg launamanneskja geti veitt sér og fjölskyldunni ýmislegt. Vekur svona nokkuð ekki grunsemdir. Þetta eru svona smáhugleiðingar um þessa frétt....hver er raunverulega sekur ?????  Það er oft spurningin.

Sökuð um tuga milljóna umboðssvik í netbanka

Frjáls vilji....

Þessi frétt Mbl. er sko þess virði að lesa.  Þetta réttlætir ekki bara ávaxtaflugurnar, heldur ýmislegt annað.

Ávaxtaflugan tekur sjálfstæðar ákvarðanir

Hver lítur sínum augum ... Fjölskyldumyndir....

Það má sjá á blogginu að fólk lítur misjöfnum augum á klámmyndirnar inn á Google, sumir eru yfir sig hamingjusamir  en aðrir ekki. Nú er Bloggið orðið eins og fréttablað svo þetta hlýtur að berast út.  

Google leyfilegt að birta smámyndir klámsíðna

Stolnar myndir ....og Tölvuþrjótar

Það er ekki ofsögum sagt af peningagræðgi fólks, því virðist ekkert heilagt. En upp komast svik um síðir, spurningin er því tekst Rebekku Guðleifsdóttur að gera eitthvað í þessu svindlmáli. Netið er að sumu leyti þarfaþing en það er líka gróðrastía fyrir óprúttna aðila. Sumum er skítsama hvernig þeir afla fjár, þó að þeir traðki á almennum og sjálfsögðum mannréttindum, bara að ekki komist upp um þá.

Stundum þarf að fara sérstakar leiðir til að ná rétti sínum, það hljóta að vera til leiðir, það er bara að finna þær og láta svo höggið ríða af þegar nóg hangir á spýtunni og þrjótarnir eiga sér einskis ill von. Eitt er víst að það þarf að grípa til ráða, kannski ætti að nota sömu aðferðir, fara niður á plan skúrkanna, það virðist vera það eina sem dugir. Það skilst ótrúlega vel þegar brennur á eigin skinni, þá er bara að komast að því hvað virkar best á þrjótana. Fólk sem svona hegðar sér á allt illt skilið.

 

Stela íslenskum myndum