Grunur...

Það er svo sem ekki nýtt að þeir seku taki þátt í leit, og í þessu tilfelli túlkun vegna tveggja tungumála, að þeim horfnu. Svipað atvik átti sér stað þegar stúlkurnar tvær hurfu í Bretlandi, en fundust síðan myrtar. Auðvitað þarf allt að líta sakleysislega út, við það beinist grunurinn annað. En það gengur ekki til lengdar, sá/sú seka eða sá seki finnst áður en lýkur.  En líklega er best í þessu tilfelli að segja: Saklaus uns sekt sannast.

Breskur maður formlega grunaður um aðild að hvarfi Madeleine

Dauðinn tekur sinn toll....

Sum ríki, og þá á ég við heilu ríkin, eru svo fátæk að þau eru ekki einu sinni við fátækramörk. Það að 20.000 þúsund börn deyja á dag vegna næringarskorts kemur okkur líklega ekkert við, þetta er nefnilega svo langt í burtu að við getum hæglega lokað augunum fyrir þjáningum meðbræðra okkar. Í heilu þorpunum er ekkert eftir nema börn og unglingar, foreldrarnir eru löngu dánir úr t.d. Alnæmi eða hugsanlega einhverjum öðrum sjúkdómi. Vatn sem við álítum svo sjálfsagt er munaðarvara á þessum slóðum fátæktarinnar ef eitthvað er í fljótandi formi er það vatn, ef vatn skyldi kalla, úr drullupollum.

Núna biðlar Desmond Tutu biskup til ríkustu þjóða heims, hann biður um hjálp, um aðstoð eins og Evrópu var veitt þegar hún þurfti að rétta sig við eftir hörmungar heimsstyrjaldarinnar. Þá var Evrópa, okkar heimsálfa hjálparþurfi og hún fékk þá hjálp sem dugði til framfara, eins væri hægt að gera núna að rétta Afríku hjálparhönd, að styðja við bakið á Desmond Tutu sem hefur fengið hjálp Avaaz.org til að koma óskum sínum og allra þessa þurfandi fólks á framfæri. Hann er að biðla til ríkustu þjóða heims sem gáfu loforð um hjálp á Umhverfisráðstefnunni í Þýskalandi en það hefur ekki staðist. Að standa við gefin loforð hefur alltaf verið álitið drengskaparbragð og vonandi verður sú hugsun ríkjandi áfram.

Hjálpum þjáðum meðbræðrum okkar, þó ekki væri nema í orðum, það er byrjunin.  Fólkið sem fólkið kaus, mannstu!, ræður ferðinni...... en það ræður ekki ferðinni nema við viljum það. Búum til betri heim.

Trúin flytur fjöll...

Þessi ofurtrú á velgengni dótturinnar skilaði sér margfalt til móður hennar. Það væri óskandi að fleiri tryðu svona á börnin sín, að foreldrar væru tilbúnir að fórna aleigunni fyrir þau.

Veðjaði aleigunni á sigur dóttur sinnar í Evróvisjón

Það er ekki nóg að geta farið í stríð

Ég gerði smáathugasemd vegna farar Michaels Moore til Kúbu og auðvitað lét einn bloggarinn ekki á sér standa og varði USA bak og fyrir í þessum málum. En það hefur komið á daginn að USA sem ber hiklaust á fátæklingum og drepur þá, hinu megin á hnettinum, er langt frá því að vera til fyrirmyndar. Þar (í USA)  ríkir nefilega ömurleg fátækt en þeir eiga nóg af vopnum og nota þau óspart til að ná í olíu og bera við einhverju göfugu um leið og fólk er sallað niður eins og búfé og blóðið flæðir.  

 

Bandaríska heilbrigðiskerfið það versta meðal ríkra þjóða

ER VON....?????

Breytingar á veðurfari eru staðreynd.  Framtíðarspáin vegna þessa er vægast sagt ömurleg. Í ár er forsætirráðherra Þýskalands Angela Merkel í forsæti samtaka til varnar gegn hlýnun andrúmslofts og náttúruhamfara, og nefnast samtökin G8, til eru samtök sem nefna sig Avaaz.org/en/climate achion, samtök þessi safna undirskriftum til varnar því sem býður alheimsins í framtíðinni. Þessar breytingar eru ekki bara fyrir suma sem eru í nógu mikilli fjarlægð til að við getum lokað augunum og sagt: þetta er ekki okkar mál. Þessar breytingar eru ekki bara fyrir Araba og Afríkuþjóðirnar, (banana þjóðirnar, með einræðisherrana) þetta er alheimsvandamál! Okkar vandamál, svo það er líklega eins gott að hætta feluleiknum og gangast við eigin nafni og taka þátt í vörnunum.

Hætta á að milljarður manna fari á vergang næstu áratugina

Barni rænt

Hvernig líður þessu blessaða barni? Og hvernig líður foreldrunum sem hljóta að vera uppfull af sektarkennd að hafa ekki passað börnin sín betur. Og hvernig líður þessu glæpahyski sem framkvæmdi þennan hræðilega verknað? Þetta er aðgjört siðleysi og skepnuskapur að ræna barni, margt er nú hægt að heimfæra undir skepnuskap en þetta er eitt af því verra.

En sem betur fer er þessum ógæfusömu foreldrum sýnd samstaða, fólk tekur sig saman og leggur mikið fé af mörkum, því það eru sjáanlega peningar sem stjórna þessum hryllingi, til bjargar barninu og foreldrum þess. Þessi atburður hlýtur að vera mikið áfall fyrir ferðamannaiðnað í Portúgal og því skyldi maður ætla að kapp væri lagt á að finna barnið og refsa þeim sem hlut eiga að máli. Sum mál eru þannig vaxinn að það eru engar refsingar nógu vondar, sorgin sem þetta mál hefur vakið upp er svo almenn, allir eru tilbúnir að leggja sitt af mörkum svo að barnið finnist og létt raunir þessara sorgmæddu foreldra. Hvað gengur fólki til sem rænir sakleysinu, peningar eru afl þess sem gera skal, það er vitað....en þeir eru ekki ALLT. Vonandi tekst að ná þessu hyski sem rændi barninu, þau eiga allt vont skilið. Þau eru SIÐLAUS.

Rowling lofar 190 milljónum til að bjarga Madeleine

Sigurvegarar

Eggert Magnússon er sannkölluð hetja, hann gefst aldrei upp. Satt að segja mætti margt af honum læra, hann hefur farið gegnum þykkt og þunnt og alltaf stendur hann uppréttur. Með Björgólf Guðmundsson sem hefur líka fengið sinn skammt af mótlæti, eru þeir báðir sannkallaðir sigurvegarar. Húrra fyrir þeim og West Ham.

Eggert Magnússon vakti athygli á Old Trafford

Mannfall

Hvað lengi geta þessi ósköp gengið? Daglega og reyndar oft á dag fáum við fréttir af mannfalli í Irak og líka það að bandarískum og hermönnum af fleiri þjóðernum er rænt. Saklausir borgarar eru drepnir í sjálfsmorðsárásum í hvaða tilgangi? Hvenær endar þetta. Allur heimurinn horfir á þessi ósköp  en ekkert er gert til að laga þetta hörmungarástand.

Al-Qaeda kveðst hafa þrjá bandaríska hermenn í gíslingu

Kosningadagur....

Nú á að kjósa, eins gott að kjósa rétt. En hvað er rétt, allir virðast hafa rétt fyrir sér. Ef ég kýs ekki, þá er samt eins og ég hafi kosið, því að einhver græðir á því....en hver? Ég er ekki enn búin að taka endanlega ákvörðun.....úllen...dúllen....doff... 'UFF...þetta er erfitt, því að sá sem vinnur verður næstu fjögur ár.  Hvað er rétt?....Hvað er rangt?

Búið að opna kjörstaði um allt land

Michael Moore

Hann hefur heldur betur tekið á ýmsum málum í USA og virkar þarafleiðandi ekki vel á bandarísk stjórnvöld. En USA ætti að taka til heima hjá sér, ekki veitir af, Michael Moore er fínn í þeim tiltektum.

Bandarísk yfirvöld rannsaka Kúbuferð Michaels Moore