Stolnar myndir ....og Tölvuþrjótar

Það er ekki ofsögum sagt af peningagræðgi fólks, því virðist ekkert heilagt. En upp komast svik um síðir, spurningin er því tekst Rebekku Guðleifsdóttur að gera eitthvað í þessu svindlmáli. Netið er að sumu leyti þarfaþing en það er líka gróðrastía fyrir óprúttna aðila. Sumum er skítsama hvernig þeir afla fjár, þó að þeir traðki á almennum og sjálfsögðum mannréttindum, bara að ekki komist upp um þá.

Stundum þarf að fara sérstakar leiðir til að ná rétti sínum, það hljóta að vera til leiðir, það er bara að finna þær og láta svo höggið ríða af þegar nóg hangir á spýtunni og þrjótarnir eiga sér einskis ill von. Eitt er víst að það þarf að grípa til ráða, kannski ætti að nota sömu aðferðir, fara niður á plan skúrkanna, það virðist vera það eina sem dugir. Það skilst ótrúlega vel þegar brennur á eigin skinni, þá er bara að komast að því hvað virkar best á þrjótana. Fólk sem svona hegðar sér á allt illt skilið.

 

Stela íslenskum myndum

Athugasemdir

[Sigurður Örn Brynjólfsson-söb (IP-tala skráð) 16.5.2007 kl. 08:50]

Er það ekki akkúrat hér sem vantar Steingrím netlöggu??

[Sóldís Fjóla Karlsdóttir, 16.5.2007 kl. 09:08]

Þú ert sjáanlega hnútunum kunnugur. En hver er Steingrímur netlögga.

[Sigurður Örn Brynjólfsson-söb (IP-tala skráð) 16.5.2007 kl. 10:41]

Hvað er þetta, fylgdist þú ekki með kosningabaráttunni þegar Steingrímu J. á að hafa sagt að það vantaði netlöggu og grínið sem var gert af því??

Annars með þessar ljósmyndir (það sem ég hef séð er svo sem ekkert spes) verður Rebekka að passa sig að haf þær ekki i upplausn sem hægt er að prenta út og nota en þannig komast óprúttnir í feitt. Hvort eitthvað sé hægt að gera í svona málum er svo annað mál og frekar hæpið því miður

[Guðjón Torfi Sigurðsson (IP-tala skráð) 16.5.2007 kl. 11:43]

En það er líka gaman að því að fyrirtæki geti ekki verið til úr því að það finnst ekki á Google...