Djöflaeyjan

Djöflaeyjan Þessi kvikmynd er rammíslensk og er þetta í þriðja skipti  sem ég sé hana. Ég sá leikritið líka og það var meiri háttar Það hlýtur að vera mikið spunnið í verk sem þetta, tíminn hefur nefnilega tilhneygingu til að breiða einhvern vef yfir suma hluti og þeir falla í gleymskunnar dá. Myndin er byggð á metsölubókum Einars Kárasonar, ,, Þar sem Djöflaeyjan rís og Gulleyjan.” Líklega  datt mér myndin í hug vegna þess að ég var nýlega á upplestri á Gljúfrasteini, þar sem Einar Kárason las smásögu eftir sig sjálfan og þetta smásagnakver hans kemur út núna fyrir jólin. Bæði las hann vel og svo var sagan ógleymanleg. Djöflaeyjan fjallar um  stórfjölskyldu Karólínu spákonu og þau amerísku áhrif sem tröllriður öllu á þessum tíma. Myndin er afburða vel leikin  og leikstjórnin auðvitað í höndunum á Friðrik  Þór Friðriksyni, hvað annað? Baltasar Kormákur stendur sig vel, vægt til orða tekið, hann er mjög góður leikari og þarna fær hann sko tækifæri til aðsýna það. Það er eitt atriði í myndinni sem ég er enn að furða mig á og það er þegar Sigurveig Jónsdóttir  heldur ein á balanum fullum af vatni til að skvetta á eld sem hefði auðveldlega getað brennt braggann eins og hann lagði sig.  Voru einhverjar tæknibrellur í gangi?  Gísli Halldórsson stendur sig frábærlega rétt eins og aðrir leikarar í þessari fínu mynd.  Það gengur á ýmsu hjá þessari makalausu stórfjölskyldu. Sigurveig Jónsdóttir leikur Karólínu spákonu, í gegnum hana gerist í raun öll þessi saga....sagan segir frá fkölskylduátökum, sorgum og gleði. Myndin er fyndinn á köflum og þess á milli hádramatísk. En þetta er saga fjölskyldu sem reynir þrátt fyrir allar uppákomurnar, að standa á hálu svelli tilverunnar. Afraksturinn er ein af perlum íslenskrar kvikmyndagerðar. Segir á kápunni um myndina....og það er sko tilfellið.

Í boltaleik.....

Þeir vita hjá Hagkaupum hvað kemur karlmanninum best. Fótbolti.

Á meðan konurnar versla, nauðsynjar fyrir heimili beggja, horfa þeir,(heimilisfeðurnir....hemm) bara á fótbolta. Hver er þá ábyrgur fyrir fjárhag heimilisins.?????????

Pabbar í pössun í Hagkaupum

Frábært.....!!!!!

Vonandi, verða sem flestir barnaníðingar settir bak við lás og slá og lyklinum hent.!!!!!!!!!!!!!!

Þetta er eitt af varnaráðunum til að fyrirbyggja að þessir níðingar nái til barna. 

Unnið við að setja upp síur fyrir myndefni á netinu

Þarf einhvern ákveðinn tíma......???

The Hours Þessi kvikmynd skartar þungavigtarliði, afburða leikkonum, hver og ein í aðalhlutverki, hver á sýnum tíma. The Hours, ég átti í raun í miklum erfiðleikum með að þýða heitið á myndinni, sem gerist á mismunandi tímum, þannig að ekki þýddi að tala um, ,, stundina” eins og orðabókin gefur upp. Þó er gefið upp á umslaginu utan um myndina, að hún lýsi einum degi, í lífi þessara kvenna, á þremur mismunandi tímum. Myndin er byggð á skáldpersónu Virginíu Wolf , frú Dalloway sem er leikin af Nicole Kidman, þessar þrjár konur eiga það sameiginlegt að þjást af þunglyndi og einsemd og vera í stöðugri leit að ást. Nicole Kidman sýnir frábæran leik sem (frú Dalloway) Wolf, sem þjáðist af geðveiki sem varð til þess að hún framdi sjálfsmorð. Í myndinni er sýnt hvernig geðveikin leikur hana, á áhrifamikinn hátt, það er ekki hægt annað en finna til. Það er ekki fyrr en á fimmta áratugnum, sem meðul sem virkuðu eitthvað á þessi skelfilegu veikindi, voru notuð, þær aðferðir sem notaðar voru áður vekja upp hrylling og virtust,miðað við samtal og lýsingu sem átt var við lækni í Silfri Egils á sunnudag, að þær aðferðir sem notaðar voru hafi oftar en ekki ráðist af læknunum hverju sinni. Þessi hluti myndarinnar er svo dramatískur og vekur upp svo vondar tilfinningar, að ósjálfrátt hefur hún mest áhrif og skilur mest eftir. Laura Brown sem Julianne Moore leikur er ein þessara kvenna, hún býr í Kaliforníu , hamingjusamlega gift, á yfirborðinu. En hvað leynist undir? Í myndinni er hún að undirbúa afmæli eiginmannsins síns sem hún er löngu hætt að elska. Og tæplega nema von, maðurinn er svo yfirborðslegur og eiginlega einfeldningslegur. Hún stingur bara af og fer á hótel og les bókina um frú Galloway.  Meryl Streep, þarf sko alls ekki að kynna til sögu, hún er búin að koma sér á kortið sjálf, með afburðaleik í svo mörgum hlutverkum. En í myndinni leikur hún, Clarissu Voghan nútíma konu, sem er lesbía, en býr með annari konu og dóttur hennar. Myndin sýnir samskipti þeirra, konan sem býr með Clarissu er að undirbúa afmæli fyrrum eiginmanns sem er að deyja úr alnæmi. What else is new?  Lesbíur og alnæmi, það er sko nýtískulegt.!!!!!! Og ég sem ætlaði bara að horfa á gamanmyndir.                        

Hefðir....Jafnrétti

Drottningarmyndin er 4 stjörnu mynd, og miðað við leik á hún það fyllilega skilið. Helen Mirren á afburðaleik  í The Queen þar sem hún leikur Elísabetu II Englandsdrottningu, myndin sýnir viðbrögðin við dauða Díönu prinsessu. Og þar takast sko hefðirnar á, hvernig almenningur bregst við, með Tony Blair nýbakaðan forsætiráðherra Bretlands með sýnar nýju hugmyndir, um hvernig útför prinsessunnar  á að fara fram og þær hugmyndir eru þær sömu og alþýðunnar, og síðan gömlu hefðirnar og hugmyndir drottningar um sama mál. Og þar mætast stálin stinn.

 

,, Fylkingarnar reyna að finna málamiðlun á því sem er annars vegar persónulegur harmleikur konungsfjölskyldunnar og hins vegar krafna almennings um að konungsfjölskyldan sýni sorg sína á opinberan hátt.” Þetta stendur á umslaginu um myndina, en sjón er sögu ríkari.  Drottningin rígheldur í gamlar hefðir, þar sem óleyfilegt er að sýna tilfinningar á hverju sem gengur. Prinsessan tilheyrir ekki lengur háaðlinum og skal því jarðast í kyrrþey og  þá virðist ekki skipta máli, að Díana er móðir ríkisarfans. Drottningin einangrast í þessari ömurlegu afstöðu sinni og áður en lýkur verður hún að gangast inn á að.tímarnir eru breyttir. 

Þegar ég horfði á þessa mynd þá datt mér í hug , hafa allir fylgt nútíma þróun.?????

 Tökum sem dæmi, að konur leita jafnréttis og þá með þessu sem hæst ber núna, launajafnrétti kynjanna og því að vera kenndar við sitt kyn þegar að embættum kemur. (Konur eru ekki menn, að mati karla, Sumra, þá eru þær konur.) Karlar (Sumir) reka í besta falli upp hæðnishlátur og gera endalaust grín að konum, búa til allskonar ónefni í þessum vanmáttugu tilraunum sínum.  Tímarnir eru breyttir strákar mínir, hvernig væri að fylgja þróuninni, tímanna tákni svo þið dagið nú ekki uppi? Jafnvel hundgamalt heimsveldi varð að beygja sig. Fyrir hverju? Þróuninni. Sá tími er liðinn, að konan átti bara að ala manni sínum börn og taka þegjandi framhjáhaldi hans, vera endalaust tilbúin að þóknast húsbónda sínum.  Nýju nafnabreytingarnar eru bara hluti af nýja tímanum, það var alls ekki gert ráð fyrir því að konur yrðu nokkurn tíma ráðherrar eða forsetar, öll nöfn voru og eru ætluð karlinum og honum einum. En nú er tími breytinga.

Hundur Og Köttur

 Fínt ráð þegar flensa herjar á mann  og heilsan er orðin aðeins betri, er að horfa á kvikmyndir. Ég horfði reyndar á þær tvær, The Queen með Helen Mirren í aðalhlutverki, en hún er í algjöru uppáhaldi sem leikkona og War Of The Roses, en sú seinni er hörkumynd með Michael Douglas, Kathleen Turner og Danny DeVito og auðvitað ýmsum fleirum. En þau Douglas og Turner hittast á uppboði og enda með því að giftast, þau eignast tvö börn en þau koma frekar lítið við sögu, en samskipti þeirra hjónanna er í sviðsljósinu og það er sko ekkert smá sem gengur á.  Á einum stað í myndinni segir Danny DeVito,sem leikur lögfræðing ,Olivers (Douglas) að ýmislegt megi ráða af því hvort hjónanna velji köttinn og hvort velji hundinn og það er nokkuð til í því, konan velur köttinn, og það afsannast all kirfilega mítan um að kötturinn hafi 9 líf, í þessari mynd. Þegar þau Rose hjónin eru búin að vera gift í 18 ár vill konan, Barbara( Turnar) skilnað. Og þá byrjar first ballið, eiginmaðurinn Oliver vill nefnilega ekki skilja. Þegar á að ákveða hvort þeirra fái húsið þeirra, þá vill hvorugt þeirra gefa eftir. Lögfræðingur Olivers (DeVito) reynir að gefa ráð í þessu sambandi, en það er of seint. Í þessum átökum hjónanna sem einkennist af hefndum sitt á hvað, gerast svo hrikalegir hlutir að áhorfandinn trúir tæpast eigin augum og skynjum. Skilnaðir geta verið hrikalega subbulegir, en þessi mynd slær allt út.

Spilling af verstu sort

Hvernig dettur fólki svona hryllingur í hug? Það var augljóst fyrirfram hvað myndi gerast.  Fimmtán ára gömul lokuð inni með harðsvíruðum glæpamönnum, í heilan mánuð!!!!! Það á að refsa þessum lögreglumönnum, þetta var yfirvegaður glæpur, mannslífið er einskis metið. Þetta er hræðilegt.

Manni finnst nóg um þegar íslenskt dómsvald nýtir engan vegin réttar rammann í naðugunarmálum, það mætti halda að þolandinn væri sökudólgurinn. Það er öruggt mál að réttarafarið í Brasilíu er ömurlegt fyrst svona nokkuð getur átt sér stað og mikil þörf á að taka það til endurskoðunar, en það er víða í landi pottur brotinn. Lítum okkur nær, blinda auganu er beitt víðar en í Brasilíu.  Þetta er óhugnanlegt.

15 ára stúlka sett í fangaklefa með 20 mönnum

Endilega að lesa þessa bók.....!!!!!!

Marquez er Nóbels verðlauna skáld og hefur skrifað bók eins og , ,,Hundrað ára einsemd." og svo auðvitað margar í viðbót eins og, ,,Liðsforingjanum berst ekki bréf." Það mætti halda að á þessum mótmælum að Gabriel Garcia Marquez hefði bara skrifað þessa bók, ,,Minningar um döpru hórurnar mínar," því fer auðvitað víðsfjarri, núna nýverið var þessi bók lesin upphátt í lestrarhring þar sem ég er þátttakandi og fannst mér eiginlega aðalsöguhetjan vera hálf niðurdregin. En það er eins og gengur það hafa ekki allir sama smekk og gekk ein konan út, hneyksluð.

Það er þannig með Suður Amerísku skáldin að bækur þeirra reyna alvarlega á heilann, þær eru eins og köngulóarvefur, lesandi fer 1/3 eða kannski hálfaleið og heitir sjáfum sér því að lesa afganginn seinna og þá á ég við bók eins og :,,Hundrað ára einsemd." Þessa bók ætti alls ekki að banna, bara að lesa hana sér til ánægju.  Þá á ég auðvitað við:,, Minningar um döpru hórurnar mínar."

Aðal-söguhetjan á níræðis afmæli og langar til að halda uppá daginn með einhverja girnilega sér við hlið.....og gera auðvitað dodo. Hehe....lesið þið bókina.

Bann vekur mikinn áhuga á bók Marquez

Stórkostleg frétt

Þessi frétt er með betri fréttum.....LENGI. Vonandi tekst Pólverjum að fram fylgja þessu, með nýja varnamálaráðherrann Bogdan Klich í fararbroddi, Pólverjar hafa nefnilega verið svo dyggir stuðningsmenn Bush stjórnarinnar og vakið upp reiði þeirra Evrópuríkja sem EKkI hafa aðhyllst þennann stríðsrekstur USA.

Pólverjar ætla að kalla hermenn sína heim frá Írak

Frábært framtak

Þessar konur hafa ekki bara unnið Feneyjarskálina fyrir frammistöðuna í Bridge, þær hafa unnið alheims athygli fyrir að mótmæla stríðsrekstri Bush. Það er viðbúið að USA dæmi þær í keppnisbann fyrir framtakið, en þær eiga alheims athygli skilið fyrir framtakið. Oft var þörf en nú er nauðsyn að taka í taumana. Karlarnir sem stjórna þessum hrikalega stríðsrekstri með Bush í fararbroddi, virðast ekkert hafa lært af hrakförunum í Viet Nam, hvað á það að þýða að senda jafvel unga drengi beint út í opinn dauðann til að verja þessa karla og græðgi þeirra. Það er viðbúið að peningar séu drifkraftur þessara auðjörfa sem vija enn meiri auð hvernig sem þeirra er aflað. Þeir sitja bara í hægu sæti og láta aðra berjast fyrir sig.

Því er þetta frábært framtak til að vekja enn meiri athygli á framferði USA  sem er auðvitað fyrir neðan allar hellur. Vonandi hefur þetta enn meiri áhrif, stríðsrekstrinum hefur verið mótmælt áður, en Bush og þessir gráðugu fylgifiskar hans halda samt áfram, þetta hörmulega ástand getur ekki varað að eilífu, skarið verður tekið af áður en lýkur og þaðverður örugglega ekki Bush og Co í hag.

Áfram konur, stöðvum þennann hrylling.

Bandarískar bridskonur í kröppum dansi vegna Bush-mótmæla