Cool .....

Bush á þennann vafasama heiður fyllilega skilið.  En öðru máli finnst mér finnst mér gegna um Nicole Kidman, hún er mjög góð leikkona, ég hef séð nokkrar myndir með henni og finnst þær vel leiknar af henni.  En svona skoðanakannanir eru alls ekki heilagur sannleikur, svo að Kidman trónir mjög ofarlega á mínum vinsældalista.

En Bush, hann á þennann titil að vera; ,, kaldasta manneskjan í Hollywood," og þó víðar væri leitað, fyllilega skilið. Ég er nýbúin að blogga um Bush og þá var það vegna þess að ég rakst á bók á bókasafni Kópavogs sem er skrifuð af sálfræðingi og heitir: " Bush On The Couch," undirtitill er; " Inside The Mind Of A President."  Ég skil vel að Bush yrði  þarna efst á blaði. Og hrópa ferfalt Húrra......

Forsetinn hlaut vafasaman heiður í Hollywood

Með bein í nefinu....!!!

Það hefði ég svarið að Spánarkonungur hefði slíkt bein í nefinu, að hann segði Chaves að þegja. Í rauninni er Spánarkonungur að þverbrjóta allar konunglegar reglur með þessari hegðun, venjan er sú að þeir konungbornu segja ekki múkk, á hverju sem dynur.

Ég var stödd úti á Spáni þegar Zapatero vann sigur í kosningunum og sigraði Aznar. Þetta voru sögulegir tímar, hryðjuverkin sem unnin voru á járnbrautarlestunum þegar191 farþegi lést, voru talin hafa haft, áhrif á úrslit kosninganna og að auki það, að Zapatero lofaði því að kalla heim allt spænskt herlið frá Írak fyrir lok maí það sama ár og hann stóð við það.

 

Spánarkonungur sagði Chaves að þegja

Mamma og pabbi

Sameiginleg forsjá hefði átt að vera inni í lögunum alla tíð. Börn eiga rétt á því að umgangast bæði mömmu og pabba, ef báðir foreldrar eru heilbrigðir. Barnið á ekki að gjalda þess að foreldrarnir geta ekki lifað saman í sátt og samlyndi.  Það er þekkt fyrirbæri að börnin eru notuð við skilnað foreldra og börnin bera ör á sálinni alla tíð. Foreldrarnir eiga skilyrðilaust að vernda börnin sín. Vonandi nær þetta frumvarp fram að ganga.

Sameiginleg forsjá kostur fyrir dómi

Blogg-níðingar

Þessi frétt Mbl.er nógu andstyggileg þó ekki bætist við bloggarar sem segja svo andstyggilega hluti að hverri einustu heilbrigðri manneskju flökrar við.

Ég fór inn á allar bloggfærslurnar sem fylgdu fréttinni og ég ætlað varla að trúa mínum eigin augum þegar ég sá hvað einn Perrinn lét út úr sér.

Það virðist hvergi vera friður fyrir þessum ógeðum sem nota hvert færi til að misnota börn, tölvuleikir eru ekki látnir í friði. Ég ráðlegg fólki eindregið, að lesa þessi blogg sem fylgja þessari frétt.

Barnaníðingar koma sér fyrir í öðru lífi

Frú forseti

Cristina Fernandez de Kirchner forsetafrú, kjörinn forseti Argentínu.....Vaaá.

 Kannski verður Hilary Clinton fyrrv. forsetafrú næsti forseti USA.....Vaaá.

Og forsætisráðherrafrú Íslands sér um byggingu hátæknispítala.....Vaaá.

Hvað verður næst í fréttum?  .....Vaaá

Cristina Fernandez kjörin forseti Argentínu

Þá er það komið á hreint

Ekki hefði mér dottið í hug að karlar mengi meira en konur. Og þó!!!!!

Sumir eru óttalegir sóðar og ef kvennanna nyti ekki við þá væri voðinn vís og það er komið á daginn að meira að segja það dugir ekki til. Konur hafa bílpróf ekki síður en karlar, en samt menga þær minna. Hvernig ætli standi á því? Eru þær öðruvísi bílstjórar? Konur standa körlum framar í hreinlæti, þetta er alvarlegt umhugsunarefni, og þarf að laga strax. Ekki seinna að vænta.

 

Karlar menga meira en konur

Vatnsveður og hávaðarok

 Það er ekki ofsögum sagt af veðrinu þessa dagana og það hérna á suð-vestur horninu. Í gær var varla stætt fyrir roki og ekki lagaði rigningin málið. Auðvitað hélt ég að það myndi bjarga málinu að fara út á bílnum, en það þurfti nefnilega að komast út í bílinn og úr honum aftur, það er víst ekki nóg að búa í þéttbýli. Það rignir bæði á landsbyggðinni og er óhemju hvasst, það verður að kalla út björgunar sveitir, eins gott að þær eru alltaf til taks. Til öryggis geng ég alltaf með svoleiðis hetju á bíllyklunum mínum, Þessar björgunarsveitir eru sannkallaðar nútíma hetjur.

Björgunarsveitir kallaðar út á Fáskrúðsfirði vegna veðurofsa

Sultur og frægð

Að undanförnu hef ég verið að lesa ævisögur og hef komist að því, (sem ég vissi fyrir) að frægð næst ekki bardagalaust og fórnirnar sem eru færðar eru með ólíkindum. Ég byrjaði á Sonju Zorilla sú kona er svo merkileg, hún byrjaði sinn feril á því að  fara til útlanda og endaði í New York í, haldið þið ykkur nú, verðbréfaviðskiptum. Hver segir að konur hafi ekki hæfileika? Mér datt þessi færsla í hug þegar ég horfði á myndina um Maríu Callas sönggyðjuna, í gærkvöldi því báðar þessar konur áttu vingott, (ástarsamband, geri ég ráð fyrir) við sama manninn, Sonja var fylgikona hans í 2 ár en hann var stóra ástin, að því er virtist, í lifi Maríu Callas og var enginn nema Onassis sjálfur. En hamingjan felst ekki í peningum, af þeim átti Onassis nóg, og ekki í einhliða ást. Það verður víst eitthvað meira að hanga á spýtunni.

Madonna át upp úr ruslatunnum þegar hún var á frægðarbrautinni, hver hefði ímyndað sér það. Og hún þurfti sko að berjast fyrir frægðinni. Og alltaf kemur hitt kynið meira og minna við sögu og það, allavega stundum, á dramatískan hátt. Í tilfelli Madonnu, var ekkert síður um konur að ræða, ekki nema von að bókin heiti, ,, Madonna....án ábyrgðar." Bókin um hana er all skrautleg á köflum, að ekki sé meira sagt.

Ég varð hálfþunglynd þegar ég las ævisögu Guðmundu Elíasdóttur, söngkonu og fann hræðilega til með henni. Í ævisögu hennar, Lífsjátning,  virðist hún ekki draga neitt undan og það er ekki hægt að segja annað, en að hún var hræðilega óheppinn í sínum prívatmálum.

Núna er ég að lesa um, George Cloony, hann þurfti líka að hafa fyrir sinni frægð. Eihverju sinni gisti hann átta heila mánuði í fataskáp vinar síns, og það sem vinurinn furðaði sig á var að George tókst alltaf að fá einhverjar til að sofa hjá sér í skápnum. En maðurinn er nú ferlega sætur svo ég skil þann þátt vel...hemm.

Ætla að lesa meira.... og sjá hvað kemur út úr því.

Skil ekki furðulega afstöðu sumra.....

Það er alveg sama hvort kynið á í hlut þegar kemur að kynferðislegur ofbeldi.  Þetta er svívirðilegt athæfi hver sem á í hlut. Að ráðast þannig að saklausu og varnarlausu barni segir sitt um þann sem fremur þann hrikalega verknað. Það má víst ekki minnast á dómskerfið þá rjúka; ,,hinir nafnlausu og þeir hálfnafnlausu," upp til handa og fóta og mótmæla að maður minnist nú ekki á þá sem þykjast vera bæði með og móti á sama blogginu.

En eitt er víst hvað sem dómsvaldinu líður, að lögreglan tekur á þessum málum.

Breskur barnaníðingur á áttræðisaldri handtekinn

Haldið þið ykkur.....boys....

Það er nefnilega til í dæminu að kona gæti haft svo og svo mikið í tekjur á ári,sem sagt þroskuð kona sem líkt og eðalvínin verður betri með ári hverju. Til hvers að ganga í hjónaband þegar hægt er að eiga viðhöld á öllum aldri, það sama gildir nefnilega um suma karlmenn og eðalvínin, þeir verða betri með árunum. Og þeir eru alltaf til taks, bara að ákveða hver passar núna.....úllen....dúllen....doff.

Og svo er hægt að fá fullt að körlum sem viðhald. Ekki satt strákar??????

Neeei...hjónabönd eru úrelt fyrirbæri og ég tek þeim sem slíkum. Bara að fá útrás á viðhöldunum.

Smúts.....

 

"Hvar er ríku og ókvæntu mennina að finna?"