Mamma og pabbi

Sameiginleg forsjá hefði átt að vera inni í lögunum alla tíð. Börn eiga rétt á því að umgangast bæði mömmu og pabba, ef báðir foreldrar eru heilbrigðir. Barnið á ekki að gjalda þess að foreldrarnir geta ekki lifað saman í sátt og samlyndi.  Það er þekkt fyrirbæri að börnin eru notuð við skilnað foreldra og börnin bera ör á sálinni alla tíð. Foreldrarnir eiga skilyrðilaust að vernda börnin sín. Vonandi nær þetta frumvarp fram að ganga.

Sameiginleg forsjá kostur fyrir dómi

Athugasemdir

[Agný, 5.11.2007 kl. 04:34]

Ég og minn fyrrverandi erum með sameiginlega forsjá og mín reynsla er sú að það virðist nú vera svolítið misjafnt eftir sýslumannsembættum hvernig sameiginleg forsjá er túlkuð. Virðist oftar en ekki vera sama hver á í hlut hverju sinni þó svo að mál séu eins, en það þekki ég að eigin raun.. Það eru nokkrir mánuðir síðan ég spurði að því hjá syslumannsembættinu  í minni heimabyggð í hverju sameiginleg forsjá fælist.

Svarið sem sýslufulltrúinn ( kona ) gaf var þetta:  ,, þAÐ ER NÚ MISJAFNT"...

[www.zordis.com, 7.11.2007 kl. 23:25]

Blessuð börnin gjalda þess oft á tíðum að verða bitbein deilna sem valda miklum þjáningum í sálarlífinu.  Börnin byrgja oft sínar sönnu tilfinningar innst inni .... lok, lok og læs ....

Börn eiga fullkominn rétt að umgangast báða foreldrana og það væri óskandi að foreldrar finndu til sín að sinna því að umgangast barnið sitt af heilum hug en ekki að beita heimsku sinni á einstakling sem ekki hefur til þess unnið að vera, nema af blessun lífsins ....

Sameiginlegt forræði segir ekki allt, því miður.

[Sóldís Fjóla Karlsdóttir, 8.11.2007 kl. 08:26]

Nei....líklega segir sameiginlegt forræði ekki alla söguna, börnin gleymast svo oft í skilnuðum og það er sko heimska og það er rétt.

Börnin hafa ekki beðið um þessa tilveru, það er víst ekki við neinn að sakast nema foreldrana.