Héðan og þaðan.....!!!!!

Eigir maður von...?????

Er von til þess að nýr heilbrigðisráðherra Guðlaugur Þór Þórðarson, geri eitthvað í þessu andstyggilega máli. Lögreglan er með bundnar hendur lagalega séð, þar sem þetta er inni á Netinu en vonandi ekki lengi. Einhverjir hérna inni á blogginu sem eru alfarið á móti bönnum hljóta að gleðjast, í bili. En málið er að þótt sum bönn virki öfugt, þá verður að grípa til aðgerða og ef bann er það sem dugir, þá það.

Ekki gera þeir sem ábyrgð bera á soranum neitt í málinu og vonast auðvitað til að græða á þessum hryllingi, peningar hafa jú þýðingu fyrir þetta fólk sem kann sjáanlega ekki almenna mannasiði, hvað þá meir.

NAUÐGUN er GLÆPUR..

Styðjum lögregluna og nýja heilbrigðisráðherrann, Guðlaug Þór Þórðarson.

	"Afar ósmekklegur leikur"
Ábyrgðarmaður færslu Tilkynna um óviðeigandi tengingu við frétt

Flokkur: Lífstíll | Föstudagur, 25. maí 2007 | Facebook

Athugasemdir

Já, þú vonast til þess að stóryrði heilbrigðisráðherrans leiði til þess að leikurinn hverfi af netinu ... alltaf gaman að vera bjartsýnn, en þessi tegund bjartsýni er svona svipað og að vonast til þess að það fari að rigna peningum síðar í kvöld.

Og hver græðir á þessu? Þætti vænt um að fá svör við því. Það græðir nákvæmlega enginn á rekstri Istorrent; enginn borgar fyrir aðgang að því, og allir stjórnendur Istorrent eru í sjálfboðavinnu. Hins vegar finnst mörgum sem þeir tapi, svo sem þeir sem hafa rétt á að dreifa því sjónvarpsefni og kvikmyndum sem margir notendur Istorrent skiptast á endurgjaldslaust. Það er meginuppistaðan í Istorrent, en ekki einhverjir nauðgunarleikir. Til að fræðast meira um Istorrent er þér velkomið að lesa nýjustu bloggfærslu mína.

Þarfagreinir, 25.5.2007 kl. 16:00

Þótt ég sé móti boðum og bönnum get ég ekki sagt að ég sé glaður, en ég spyr, hver á að taka ábyrgðina? Ég er ansi hræddur að múgæsingur sem þessi espi fólk upp í að hengja blásaklaust fólk! Einnig tek ég undir orð Þarfagreinis, hver er að græða á þessu?

Gunnsteinn Þórisson, 25.5.2007 kl. 16:10

Eitt er víst Þarfagreinir að ekki græða þeir sem standa fyrir því að þessi ósómi sé settur inn á Netið, andlega á málinu. Þetta er til háborinnar skammar.

NAUÐGUN er GLÆPUR.!!!!

Og Þarfagreinir, áhugi minn beinist eingöngu að ofbeldinu sem felst í þessum," LEIK," ekki í þínum bloggfærslum

Hvað þig varðar Gunnsteinn, þá langar mig ekki til að hengja einn eða neinn, ég beinlínis hræðist ofbeldi.

Sóldís Fjóla Karlsdóttir, 25.5.2007 kl. 16:19

Rétt hjá þér ... það græðir enginn neitt á því að hafa þennan leik á Istorrent, og skelfilegt að þetta sé til yfir höfuð. Ég vona að stjórnendur Istorrent hafi vit á því að fjarlægja hann, en því miður myndi það afskaplega litlu breyta um aðgengi þeirra sem virkilegan áhuga hafa á því að ná sér í hann. Þetta er bara staðreynd sem við verðum að horfast í augu við ... að alls konar ljótt efni er aðgengilegt á netinu fyrir þá sem vilja. Ekkert nema mjög svo víðtækar aðgerðir myndu duga til að draga úr aðgengi Íslendinga að svona efni. Ég fullyrði það sem netnjörður að þetta er nánast ógjörningur. Þeir foreldrar sem virkilega vilja vernda börnin sín fyrir sora á netinu verða að gera það sjálf ... hafa virkt eftirlit og vera ávallt meðvituð um hvað börnin eru að gera ... eða þá bara hafa ekkert net heima hjá sér. Það besta sem stjórnvöld gætu gert væri að loka alveg fyrir netið, og það mun að sjálfsögðu aldrei gerast.

Þarfagreinir, 25.5.2007 kl. 16:33

Netið getur verið mesta Þarfaþing, en eins og ég hef áður sagt: þá er fullt af þrjótum sem misnota það. Ef við viðurkennum hljóðalaust að ekkert sé hægt að gera þá erum við virkilega illa stödd. Ég veit mörg dæmi þess að fylgst er grannt með börnum sem nota netið, þetta byrjar nefnilega heima, hvert viðhorf okkar er til svona mála hefur þýðingu. Við höfum mikil áhrif á börnin okkar, en sumir foreldrar virðast ekki skilja það.

En svona í framhjáhlaupi, flott mynd af þér með textanum.

Sóldís Fjóla Karlsdóttir, 25.5.2007 kl. 16:54

Já, það er margt hægt að gera, sem betur fer. Fólk þar samt líka að gera sér grein fyrir hvað er ekki hægt að gera.

En takk fyrir hólið - þessi mynd var búin til í South Park Flash-leik fyrir alllöngu síðan, og hún er merkilega lík mér sjálfum.

Hérna er leikurinn fyrir áhugasama:

http://www.sp-studio.de/

Til að vista myndina á tölvunni þarf síðan að taka 'screenshot' af afurðinni og setja inn í myndvinnsluforrit á borð við Paint ...

Þarfagreinir, 25.5.2007 kl. 17:28

Jahá...svona er það að þekkjast lítið, ja, nema á blogginu. Þessvegna veist þú ekki hvað ég er viðkvæm sál. En það er frábært að myndin líkist þér svona mikið, þá er ég töluvert mikið nær því að þekkja þig,kannski meira að segja á götu.

En takk fyrir upplýsingarnar, þær eru mjög tæmandi.

Sóldís Fjóla Karlsdóttir, 25.5.2007 kl. 18:09

Við viljum öll fjarlægja þennan leik af netinu.

En málið er bara að það er ekki hægt, þetta er ekki eins og að deleta skrá af tölvunni hjá þér.

Til þess að geta rætt þetta málefni, þá verður þú að hafa mjög góða þekkingu á virkni netsins og upplýsinga flæðinu á því. Annars er maður bara að tala í tómt.

Að fjarlægja eitthvað af netinu er eins og að fjarlægja hland úr vatni. Það er einfaldlega ekki hægt.

http://www.google.com/search?q=rapelay

Ég googlaði nafnið á þessum "leik" (ef svo er hægt að kalla) og viti menn, ég fékk rétt um 212.000 niðurstöður.

Ég sé ekki hvernig við eigum að fara að fjarlægja þennan leik af vefsíðum sem eru hýstar í Japan og Tælandi...

Besta leiðin til að berjast gegn svona hlutum á netinu er að stoppa öllum krossförum gegn ósiðlegu efni, þar sem það skapar nokkuð sem kallast "streisand effect".

http://en.wikipedia.org/wiki/Streisand_effect

Ef þessi umfjöllun hefði ekki átt sig stað, hefði þessi leikur horfið sjálfkrafa af torrent.is á 1-2 dögum, svo einfalt er það.

Vandamálið liggur ekki á netinu, heldur í samfélaginu sem slíku.

Þetta er félagslegt vandamál, ekki lagaleg og því síður tæknilegt.

Að ritskoða netið er eins og að ritskoða beina útsendingu.

Ég gæti t.d. látið einhver ljót orð falla á þessu bloggi. Það mun vera á vefsíðunni þinni, þangað til að þú lest færsluna og fjarlægir hana (EF þú villt það). En á sama tíma þá hefur gífurlegur fjöldi fólks lesið færsluna, fjöldi vefsíða hefur pickað upp kóðan og tekið afrit af honum (án nokkurs mannlegs inntaks).

Internetið er ekki miðill heldur samfélag.

Þú getur ekki ritskoðað samfélagið.

Ef þú hefur einhverja alvöru lausn, sem gengur upp tæknileg, þá skaltu endilega senda hana á mig þar sem internetið skiptir mig mikklu máli og myndi ég óska mér fátt heitar en að fjarlægja allan óþverra af því.

En ég þekki það vel til netsinns að ég veit að þetta er ekki hægt, ekki frekar en að útrýma glæpum í hinum "alvöru" heimi.

Baldvin Mar Smárason, 26.5.2007 kl. 04:01

Það má vel vera að þú þekkir Netið, ekki bara af afspurn, heldur persónulega. En það sem er verið að gera, er að sýna fram á að við kærum okkur ekki um svona mannlífssora hérna inni. En þjónaðu lund þinni, það er örugglega þitt mál og kannski þinna.

Sóldís Fjóla Karlsdóttir, 26.5.2007 kl. 11:16