Flott fólk.....

Afhending Grímuverðlaunanna í gærkvöldi var meiriháttar á að líta. Þegar Herdísi Þorvaldsdóttur og Róberti Arnfinnssyni voru veitt heiðursverðlaunin, stóð allt fólkið í salnum á fætur og klappaði fyrir þeim. Þau eru meiriháttar fólk og hafa lagt listagyðjunni lið í gegnum tíðina, okkur öllum til ánægju og meiriháttar gleði. Eg man eftir Róberti í Fiðlaranum á Þakinu í hlutverki Tevje, hann átti salinn, fagnaðarlátunum ætlað aldrei að linna, hann var frábær. Herdís hefur staðið sig afspyrnu vel í gegnum alla tíðina og unnið hvert þrekvirkið á fætur öðru. Leiklistin snýst um að túlka persónur og gera þær trúverðugar og það er ekkert smá mál að vel takist til, en þau eru svo hæfileikarík að allt verður svo átakalaust og eðlilegt í meðförum þeirra á hinum ólíkustu persónum. Þau eru bæði snillingar á sínu sviði.

Herdís Þorvaldsdóttir og Róbert Arnfinnsson heiðruð

Tjöldin dregin frá......

Það er löngu komin tími á að pólitíkusar geri eitthvað af viti. Það er virkilega forvitnilegt að sjá hvernig þessi átök verða. Eins gott fyrir opinberar persónur að láta ekki sjá sig á stöðum eins og Goldfinger, það getur kostað sitt. Þetta mál verður meira en lítið forvitnilegt og nú getur allur almenningur fylgst með. Enginn feluleikur allt fyrir opnum tjöldum.

Gunnar í mál við Mannlíf og Ísafold

Sá á kvölina....USA í dag...

Bush bandaríkjaforseti á ekki upp á pallborðið hjá kjósendum núna. En þennann forseta valdi þjóðin, en núna hefur hann ekki nema 29% ánægðra kjósenda í USA. Hvað gerist þá? 

Hann snýr sér að Evrópu og er vel tekið af fátækustu þjóðum álfunnar, þar sem meiningin er að planta kjarnorku til varnar....fyrir hverju á að verja sig.?  Einmitt þetta stríðsbrölt er búið að kosta þúsundir mannslífa að ekki sé nú minnst á annað tjón sem verður aldrei bætt.

Innflytjendamáli í USA og Íraksstríðið  skrifast á forsetann sem fékk ríki í Evrópu til að bakka þá vitleysu upp, það er beinlínis skelfileg tilhugsun ef Evrópa verður dreginn inn í hernaðarstefnu Bush. En það lítur út fyrir að sum ríki í Evrópu ætli að fylgja honum að málum.

 

Enn dregur úr ánægju kjósenda með Bush forseta

Ástarbrími...

Allt er nú til, ég sem hélt að dans væri frábær líkamsrækt. En dansinn getur víst, að mati sérfróðra manna vakið upp aðrar tilfinningar, sem eru víst ekki góðar fyrir skólanámið.

Danskennsla hvetur til ástarbríma

Ekki má nú mikið....!!!!!!

Aumingja Aniston, hún er bara í prufukeyrslu, ekki lái ég henni það. Maðurinn er að reka smiðshöggið á konuna og það sem henni tilheyrir. Það er hreint ekki ólíklegt að eitthvað þurfi að lagfæra innanhúss hjá henni og smiðurinn fyrrverandi veit nákvæmlega hvað þarf að gera. ÚFF...ekki má nú mikið til að blöðin og bloggið komist í málið. Hehe....

Vangaveltur um nýjan kærasta Aniston

Manndráp....hefðir notað sem skálkaskjól

Hvað eru innflytjendur, í hvaða landi sem er, að flýja? Þetta fólk vill ekki búa heima hjá sér og ber við öllu mögulegu. En það vill ekki hlýta reglum, hefðum og lögum þess lands sem það flýr til. Nei, ekki aldeilis, það drepur jafnvel sín eign börn vegna sæmdar, sæmdar hvers.? En sem betur fer verða þessir karlmenn, því það eru alltaf karlmennirnir sem drepa, að svara til saka.

Er ekki eitthvað meira en lítið athugavert við þessa ömurlegu hegðun, það er ekki hægt að flytja til einhvers lands, flýja sitt eigið, og hegða sér svona hrikalega. Það er ekki hægt annað en verða reiður og taka afstöðu í svona málum.

Segja að sæmdarglæpum fari fjölgandi í Bretlandi

Eldflaugavarnir....???

Nú er hernaðarskeytunum beint að Evrópu. Pólverjar eru að spá í að hýsa bandarískar eldflaugavarnir, (varnir, hemm). Er hernaðarstefna USA ekki búin að gera nógan skandal í Írak? Þetta vekur upp reiði hjá Rússum sem ætla ekki að taka þessu þegjandi, hvað þýðir það? Það þýðir einfaldlega að Rússar ætla að svara þessari ógnun og beina vopnum sínum að Evrópu. Skítblankir Pólverjar ætla að eignast nýjan vopnavin, í stað gömlu Rússagrýlunnar.

Á hverju eigum við Evrópubúar eiginlega von? Einni heimstyrjöldinni í viðbót, þeirri þriðju? 

Kaczynski ánægður með heimsókn Bush til Póllands

Afstaða...með eða á móti....

Ég er algjörlega á móti dauðarefsingum, eða hvað?  Þessi frétt Mbl. vekur upp ýmsar hugsanir sem ekki voru til í mínum huga áður en ég las greinina.

 Getur virkilega verið að dauðarefsingar hafi fyrirbyggjandi áhrif.?

Rannsóknir benda til að dauðarefsingar dragi úr morðtíðni

Star Trek...

Það sannast best á þessari uppákomu að maðurinn er það sem hann lætur ofan í sig. Eins gott að fara varlega og gleypa ekki hvað sem er, hvort sem það eru pillur eða matur. Alfred Hitcock átti það til að bera allavega litan mat á borð fyrir gesti sína sem misstu alla lyst þegar maturinn var borinn á borð í undarlegustu litum. Hann gerði ekki bara ógleymanlegar kvikmyndir hann hafði furðulegar hugmyndir um allt mögulegt og þar á meðal matinn. Ef það væri borið á borð grænt læri í sunnudagsmatinn er ég viss um að fæstir hefðu list á því, þó það væri vænt og rammíslenskt lambalæri.

Blæddi grænleitu blóði

Einn viðbjóðurinn til....

Mér er óglatt úr hryllingi, eru það virkilega karlmenn sem setja þessi ólög til dýrðar sjálfum sér. Jafnvel ólæsir hálfvitar í löndum sem leyfa þennann hrylling, ráða alfarið yfir konum, þær eru eins og húsdýrin að mati þessara karlmanna. Finnst karlmönnum ekki ástæða til að segja eitthvað um þetta, er bara ástæða til að kalla þær Femínista, nú er full ástæða að rísa upp og láta að sér kveða. Eða, hvar er kokhreystin núna. Myndu íslenskir karlmenn láta gera þetta við sínar eigin dætur, eða aðrar íslenskar konur?

Giftingar barna bannaðar en umskurn kvenna leyfð