Stjórnlaus hegðun....

Er það ótti sem stjórnar ´því að fólk..hmmm...notar nafnleysi. En veit þetta sama fólk ekki að það er hægt að rekja slóðir. ?????

Er þetta sama fólk hrætt við að tapa???? Hrætt við að missa tökin. Veit uppá sig einhverja skömm sem það er ekki tilbúið að standa andspænis.?????? Er það nema von að spurt sé??? 

Nú er Baugur í sviðljósinu eina ferðina til, það verður fróðlegt að vita um framvindu mála í þessu ótrúlega ferli.  Og enn er það nafnleysið.

Heyrumst.....

Það er spurningin...!!!

Erum við eins frjálslynd og við vijum vera láta??? Stundum erum við stödd á Krossgötum og vitum alls ekki hvert stefnir, en við erum nauðbeygð til að taka ákvarðanir. Þá getur verið úr vöndu að ráða. 

Í sumum málum er gatan greið en alls ekki í sumum, kannski höfum við takmarkaðar upplýsingar og oftar en ekki er það þannig. Stundum blasa staðreyndirnar við og eitt er víst að við vitum hvort eitthvað er rangt eða rétt. Það er að segja ef við erum andlega heilbrigð en það eru ekki allir svo vel settir. Og þá er voðinn vís.  Klámráðstefnan er fokinn, sem betur fer útí veður og vind. En því eru ekki allir sammála. Stundum er gripið til nafnleyndar og ef það lýsir ekki hugleysi og aumingjahætti að segja eitthvað svo hrikalegt sem er engan veginn hægt að svara,jafnvel um börn sem engan veginn geta varið sig, fullorðnir geta það ekki einu sinni. Það er ekkert sem réttlætir svona hrikalega hegðun. EKKERT. Engin veikindi. Einhver hlýtur að vera ábyrgur.!!! En hver???

Baugsmálið er í fullum gangi og hefur verið það um árabil, og þangað (í dómsalinn) var að berast nafnlaust bréf. Hvað er næst? Baugsmenn eiga alla mína samúð,  þetta er ekkert smámál. Þetta er eins og sagan endalausa, alltaf einhver nýr hryllingur að dúkka upp.  Í nafnleysi.

Heyrumst.....

 

Bloggið er til margra hluta nytsamlegt....

Var að svara X-tengdadóttir sem er stödd á Spáni og verður þar næstu mánuði að vinna að ritgerð. Hún ætlar í leiðinni að læra spænsku, allt í lagi með heilastarfsemina á þeim bæ.En það er meiriháttarað geta skrifað ýmsar hugleiðingar og viðrað skoðanir sínar á blogginu. Það er sko sálarheill.  

Með því að vera hérna inni getur maður fylgst með sínu fólki og haft samband.

Heyrumst.....

Spennandi.....!!!

Matur er mannsins megin segir máltækið og núna er mikið að gerast í þeim efnum. Núna er það að matreiða ,,listgrein" og sannarlega kominn tími til að líta á eldamennsku sem list. Þetta er frábært framtak, ostakynningar, það er nú alveg meiriháttar, fyrir nú utan allt annað.

Þessar kynningar eru ólíkt meira spennandi en liðinu sem var vísað frá. Satt að segja skil ég ekki alla þessa reiði, vegna þess að þessu Klámliði var vísað frá, nema að sumir hafi beinna hagsmuna að gæta!!!!!!

Tæplega er um andleg tengsl að ræða, eitthvað annað hangir á spýtunni. Við erum fámenn þjóð og að ætla sér það að taka á móti 150 manns sem hafa atvinnu af klámi, er útí hött.

Því er sumstaðar borið við að íslenska þjóðin hafi sett ofan, frelsið verið fótum troðið og að við fáum þetta borgað í einhverri mynt.  Ja...hérna, eins gott að því fólki sem tekur þessa afstöðu þyki svona vænt um frelsið í öllum málum.  Fáið þið ykkur bara ost og fínan mat. Það er sko hressandi bæði fyrir andann og efnið.

Heyrumst.....

Þetta vissi ég ekki......!!!!!!

Ég er bara ekki alveg með á nótunum. Sem dæmi vissi ég ekki að það væri Goggunaröð inn í Bloggheimum. Svo lengi lærir....... Því fleiri Bloggvini sem þú átt, því hærra er viðkomandi settur. Ja, hérna.

En þar sem ég er loksins búin að átta mig á þessu þá er um að gera að venda sínu kvæði í kross og gera eitthvað í málinu. En þar sem eru dálítið langar í mér leiðslurnar verð ég að hugsa aðeins, en síðan að henda sér í málið.

Ég hef aðeins verið að vafra hérna inni og sé á því að fólk er eins misjafn og það er margt. Umræðuefnin eru af ýmsum toga. Núna í augnablikinu virðist Klámliðið vera ofarlega á baugi, á að hleypa þessu fólki inn í landið eður ei. En ég ætla að taka það strax fram að ég hef ekkert á móti kynlífi eða nekt. Enda á ég fullt af börnum, strákum og stelpum og þykir jafnvænt um bæði. Svo veit ég alveg hvernig börnin verða til, þetta með fuglana og flugurnar eru bara þægileg lausn þegar útskýra þarf fyrir börnum hvernig þetta er allt saman. En það er bara í startið, krakkarnir finna þetta allt saman út, og það er örugglega satt og rétt. En ég er alfarið á móti því að börn séu misnotuð, við þeim hryllingi ættu að vera mikið harðari refsingar ef fólk endilega vill eitthvað sem heitir eitthvað Skamm-stafað í kynlífi þá finnst mér fólk geta gert þetta prívat, án myndavéla og ferða til annarra landa til að kynna málið.  

SO.....Beware Of The Wolves....Það er nefnilega þannig að oft leynist flagð undir skinninu.

Heyrumst.....

Vegir vináttunnar....

Það er örugglega rétt að vegir vináttunnar liggja í báðar áttir. Það er svo dýrmætt að eiga góða vini, vini sem eru alltaf til staðar þegar þú þarft á þeim að halda.  Í kvöld hitti ég einmitt svo frábæra félaga sem hafa haldið tryggð og vináttu gegnum þykkt og þunnt.

Þegar við hittumst fyrst vorum við að læra að halda ræður, til að byrja með undirbúið en seinna beint frá hjartanu. Félagsmál voru ofarlega á baugi ásamt svo mörgu öðru, við fórum í gegnum allskonar embætti til að ná okkur í reynslu og kunnáttu. Þetta alltsaman reyndi virkilega á og við það styrkist vináttan.  Sem hefur haldist allar götur síðan, og það er spottakorn síðan.

Það er komið miðnætti og auðvitað langbest að koma sér í háttinn og það er ég að hugsa um að gera. Góða nótt.

Heyrumst.....

Fer sakleysi eftir aldri.....?????

Flestum líkar vel við lítil börn, á einhvern hátt höfða þau til flestra. Er þetta sakleysi í svip ungra barna sem gerir þetta að verkum?  Sá eða sú sem getur fengið af sér að vera vondur við lítið og varnarlaust barn á allt illt skilið.

Foreldrarnir hafa það hlutverk að vernda börnin sín, en gegn hverju? Dópi, brennivíni og tölvum sem er það nýjasta sem þarf að óttast. Ég nefni þetta hérna bara sem dæmi um hvað ber að varast.  En níðingarnir láta sér ekki segjast og finna alltaf út leiðir til að leiða ungviðið í freistingar og þá undir allskonar yfirskyni.

Þessir nútíma ÚLFAR sem geta jafnvel breytt um augnalit ef svo ber undir, lauma sér allstaðar inn. Svo það er líklega eins gott að standa vaktina.

Beware Of The Wolves......

Heyrumst......

Góð blanda....

Litli frændinn leit dagsins ljós 20. febrúar kl. 1:30 í Svíþjóð. Mamma er frá Búrúndi, sem sagt Jörð í Afríku,pabbinn Íslendingur og svo er barnið fættí Svíþjóð. Eitthvað er ég hrædd um að íslenska ættfræðin þyrfti að færa út kvíarnar til að ná þessu.  En strákurinn er heilbrigður og flottur og það er fyrir öllu. Til hamingju.

Fjölskyldan er orðin svo stór og það virðist hreint ekkert lát því. Fyrir nokkru hitti ég konu í Bónus og tókum við tal saman og spurðum auðvitað um framkvæmdir í barneignamálum hvorrar fyrir sig. Þá kom á daginn að það var fátt um fína drætti hjá henni, en það var sko alls ekki það sama um mig og mína að segja. Ég stundi því samt upp hver fjöldinn væri orðinn, en bætti því í flýti við, og auðvitað afsakandi, af því að þetta er nú næstum dónalegt, að ég hefði nú ekki gert þetta alltsaman sjálf. Það stóð ekki á viðmælandanum að svara þessu: ,, Þú sáðir fræinu," sagði hún sigri hrósandi.

Ég er bara millistykki í þessum efnum en undir þessu skrýtna yfirborði er ég dálítið stolt af frjóseminni og framkvæmdagleðinni í barneignamálum fjölskyldunnar. Allavega hrópa ég húrra núna og er alsæl.

Heyrumst..............

Fíkill og fíklar...

Stundum er fólk bara með eina fíkn s.s. áfengisfíkn, kynlífsfíkn, tóbaksfíkn en stundum er fólk haldið af mörgum fíknum.  Þegar það hefur bara einn djöful að draga, þá er það fíkill í eintölu. En stundum er fólk haldið af mörgum fíknum og þá er það fíklar í fleirtölu. Það getur verið býsna flókið, þegar um margar fíknir að ræða heitir það bara að vera spennufíklar.

Spennu bækur geta til dæmis verið ein af fíknunum og þá kemur bókasafnið sér vel annars fást spennubækur í öllum bókabúðum og alltaf hægt að finna eitthvað á lægra verði.

Ég hef sjálf uppgötvað ótal góða spennuhöfunda, Donna Leon er einn frábær höfundur, hún býr í Feneyjum og er sko langt frá því að vera illa upplýstur asni. Þetta er háskólamenntuð kona og hefur hún kennt í Kína, Arabíu, Íran og líka í Sviss, bókmenntir og þá er hún að kenna, ekki bara eitthvað um spennu heldur um bókmenntir almennt. Hún hefur komið sér upp persónugalleríi sem eru auðvitað miðjan sem allt snýst um og fléttar síðan í kringum þetta fólk alveg frábærum spennu sögum. Hún hefur lag á því að skrifa góðan texta og heldur manni við efnið.Svo það er ekki alvont að vera spennufíkill.

Annar kven-spennu rithöfundur er meiri háttar góð en það er Sue Grafton. Hún hefur fléttað söguþráð í kringum Kinsey Mallone,sem henni tekst að gera ótrúlega mannlega.Persónulegt líf Kinsey Mallone er dregið inn í söguþráðinn sem gerir bækur hennar meiriháttar og söguhetjan er sko alls ekki alltaf í sparifötunum. Maður upplifir ekki bara spennuna sem fylgir því að leysa mál, heldur eitthvað svo mannlegt, þetta sem kemur manni til að hugsa: Þetta gæti verið ég. Og það er svo frábært.

Og núna höfum við Íslendingar eignast kven-spennu-rithöfund, Yrsu Sigurðardóttir. Og hún gerir meira en lofa góðu. Frábær penni, vel menntuð, verkfræðingur og kona. Þarna sjáið þið, það er sko langt því frá vont að vera kona. Það er nefnilega flott að fylla þennan flokk sem heitir KONUR.

Heyrumst...................

Örmagna lið....

Til hvers í ósköpunum þarf þetta Klámlið sem er víst væntanlegt, svona mikið á hvíld og íslenskri skemmtun að halda?

Getur það ekki skemmt sér og fengið útrás heima hjá sér.  Er eitthvað að.? Það er svo sem engin að hafa á móti því sem þetta fólk er að gera, svo lengi sem það er löglegt. En afhverju litla Ísland.

Afhverju varð Ísland fyrir valinu þegar að afslöppun kom.?  Einhver hafði orð á því að þetta væri bara venjulegt bisniss fólk að slappa af. Klám er nú aðeins öðruvísi, ekki alveg venjulegt.

Heyrumst.....