Morð.....

Þessi árás Ísraelsmanna er ekkert  nema stríðsyfirlýsing!!!!!!!!!!!!!

Og Bandaríkjamenn verja þennann hrylling. Það er verið að drepa fólk.....börn....konur og karlmenn. Ætlar heimurinn að horfa á þessi ósköp og gera EKKI NEITT????????

 Skilja ekki Ísraelsmenn að þeir eru á landi Palestínumanna??????????????

Eru Ísraelsmenn búnir að gleyma Helförinni þar sem þeir liðu allar þessar þjáningar sem hefur verið haldið á lofti endalaust???????????

En nú gera þeir það sama....valda endalausum þjáningum.

Þetta er þyngra en tárum taki.

Segja Hamas ábyrg

Athugasemdir

[Ólafur Als, 27.12.2008 kl. 20:41]

Hefur það farið framhjá þér að fyrir botni Miðjarðarhafs hefur staðið stríð í yfir 60 ár? Á þessu svæði er sverðið eini gjaldmiðillin. Hvað viltu annars að heimurinn geri? Fara með stríði á hendur Ísraelsmönnum? Það eru yfirlýst markmið Hamas, Al-Aqsa og fleiri samtaka að gereyða Ísrael, einnig ríkja á borð við Íran. Eigum við að fylkja liði á bak við þessi öfl? Líkt og nágrannar Ísraela reyndu á sínum tíma í stórstyrjöldum, nú eða með sjálfsmorðsárásum, eldflaugaárásum eða einhverju öðru? Og svör Ísraelsmanna þekkja þessir kumpánar í Hamas, sem hafa skotið yfir 200 eldflaugum yfir á landsvæði Ísraels á einni viku.

[Sóldís Fjóla Karlsdóttir, 27.12.2008 kl. 20:59]

Þar sem þú ert svona vel að þér verð ég víst að svara þér eins og fávís kona.

Hvernig myndi þér líka það að allt í einu stæðu einhverjir ókunnir menn (Ísraelar í þessu tilfelli) og skipuðu þér út úr þinu eigin húsnæði vegna þess að þeir ætluðu að búa þar?

Ert þú svo vel af Guði gerður að þú myndir bara fara út með allt þitt hafurtask.....við skulum reikna með eiginkonu og börnum. Bara láta þig hafa ofbeldið?

Þá ert þú örugglega betri en ég og reyndar allir hinir.

Í Guðs friði.

[Rúnar Berg Baugsson (IP-tala skráð) 27.12.2008 kl. 21:44]

Jú, við bloggum. Og þó ekkert gerist þá bloggum við þar til „lausnin“ er komin. Þegar lausnin er komin þá þegjum við, holdum kjafti og setjumst niður. Þó svo að „lausnin“ sé lítið annað en áframhaldandi ofbeldi, valdakúgun og misskipting réttlætt með hagræðingu á orðavali eða tilfærslum á skilgreindum samfélagslegum breytum.

[Ólafur Als, 27.12.2008 kl. 22:30]

Gyðingar eru ekki ókunnir menn, enda voru þeir kallaðir Palestínu-Gyðingar hér á árum áður - þ.e. þeir sem bjuggu í Palestínu (nafngift Rómverja til forna). Ef þú ætlar að færa umræðuna yfir á rétt Gyðinga til að stofna ríki - Ísraelsríki, þá er eins gott að kynna sér málin áður en þú hellir þér í þann pytt - og sögu þeirra þjóða sem byggt hafa þetta svæði um aldir. Ég eftirlæt þér það áður en þú auglýsir enn frekar vanþekkingu á sögu þessa landsvæðis.

En þakka þér fyrir orð um vegferð með almættinu. Ég óska þér hins sama.

[Sigurður M Grétarsson, 28.12.2008 kl. 02:16]

Já Ólafur við skulum endilega skoða þessa sögu. Á þessu landsvæði hafa menn búið í tugþúsundir ára. Þarna er að minnsta kosti fimm þúsund ára saga menningarþjóða. Á þessum fimm þúsund árum réðu gyðingar stærstum hluta þessa svæðís í um 700 ár. Þeir fóru flestir þaðan fyrir eitt til tvö þúsund árum. Talið er að árið 1700 hafi gyðingar verið um 1% íbúa á þessu svæði. Einnig er talið að árið 1890 hafi gyðingar verið um 25% íbúa á þessu svæðí. Þá hófust miklir þjóðflutningar gyðinga til þessa svæðís og er talið að árið 1947 hafi þeir verið orðnir um þriðjungur íbúa. Þá ákváðu Sameinuðu þjóðirnar að gefa þessum aðkomumönnum 55% af þessu landsvæði Palestínumanna.

Í framhaldi af þessu stóðu stofnendur Ísraelsríkis fyrir einhverjum verstu þjóðernisshreinsunum veraldarinnar eftir lok seinni heimstyrjaldar. Þeir hröktu rúmlega 700 þúsund araba frá heimilum sínum til þess að skapa nægan "gyðinglegan meirihluta" á sínu umráðasvæði til að geta stofnað þar gyðingaríki þar, sem gyðingar myndu vera í meirihluta til frambúðar. Þeir hernámu (stálu) einnig helmingi þess lands, sem Sameinuðu þjóðirnar höfðu ætlað Pelestínumnnum þannig að Pelestínumenn sátu þá eftir á um 22% af landi sínu.

Svo eru menn hissa á að Arabar vilji þessa blóðþyrstu villimenn og landræningja burt af landi sínu. Hvaðan kom réttur Ísraela til að stofna ríki sitt á landi Palestínumanna? Hvaða pytt eru menn að hella sér út í með því að setja spurningamerki við það?

Árið 1967 réðust Ísraelar svo aftur á araba og hernámu afgangin af því landi, sem Sameinuðu þjóðirnar höfðu ætlað Palestínumönnum. Siðán þá hafa þeir verið að sölsa undir sig meira og meira af landi Palestínumanna ásamt því að kúga íbúa hernámssvæða sinna með mikilli grimmd.

[Ólafur Als, 28.12.2008 kl. 20:22]

Réttur Gyðinga byggir á alþjóðarétti, eins og sett var fram í tillögum SÞ. Um þennan rétt má hafa langt mál en það landsvæði, sem þeir töldu að kæmi þeim í hlut var mun minni en Balfour samþykktin gerði ráð fyrir. Stofnun Trans-Jordan kom í raun í veg fyrir að hægt yrði að stofna tvö lífvænleg ríki, annars vegar Gyðinga og hins vegar Palestínuaraba. Rétt er að þeirra tíma hryðjuverkasamtök Gyðinga, sem síðar urðu hluti af her Ísraels, hröktu Palestínuaraba víða á flótta en jafnframt hvöttu Arabaþjóðir til þess að Palestínuarabar flyttu á brott - enda var ætlunin að gereyða Ísrael og Gyðingum og í kjölfar þess gæti fólk flutt aftur til síns heima.

Nú er ljóst að á rétt margra Palestínaraba hefur verið gengið en á það ber að líta að hér er ekki um einangrað tilvik í sögunni að ræða. Önnur eins, og jafnvel stærri dæmi, hafa verið afgreidd á meðal þjóða, stundum að loknum samningum, í öðrum tilfellum í kjölfar stríðsátaka en stríðaátök af einhverju tagi hafa ávallt verið í bakgrunni. Fyrir botni Miðjarðarhafs er um hvoru tveggja að ræða. Ef réttur Ísraelsríkis til þess að vera til er sífellt dreginn í efa verður sífellt hægt að búast við blóðugum átökum. All margar Arabaþjóðir hafa þó viðurkennt Ísraelsríki og jafnvel gengið svo langt að gera ráð fyrir að vopnahléslínan frá 1948 - 1949 markaði landamæri Ísraels.

Annars er frásögn þín af átökum í júlí árið 1967 barnaleg lýsing á atburðum og lýsir mikilli vanþekkingu. Þó svo að margt og mikið megi finna að framgangi Ísraelsmanna, þá hafa Palestínumenn þrátt fyrir allt fengið heimastjórn, auk annars sem sum önnur ríki hefðu aldrei leyft. Það er annars merkilegt hvernig þú lýsir kúgun fólks - Palestínumen sögðu hlutskipti sitt mun verra undir stjórn Jórdana frá 1946 til 1967. Menntun og efnahagslegur framgangur þeirra hefur ekki staðið hærra enda má segja að sá dugur sem í Palestínumönnum býr hafi ávallt verið sem fleynn í augum margra annarra Araba. Þeir hafa stundum líkt þeim við Gyðinga, hvað þetta áhrærir. Merkilegt nokk, þá hefur sambúðin oft gengið vel en það vonleysi sem hreiðrað hefur um sig á seinni árum er skiljanlegt og í mínum huga má rekja það til ekki síst Islamistanna, en jafnframt vissra afla í Ísrae - sem hafa farið dvínandi á síðari árum á meðan almennur vilji til friðsamlegs búskapar við nágranna sína, Palestínuaraba, hefur aukist.

Það er sú draumsýn sem skynsamir menn ættu að fylkja sér að baki.

[Sigurður M Grétarsson, 29.12.2008 kl. 23:35]

Þó Jórdanir hafi komið illa fram við Palestínumenn á sínum tíma þá réttlætir það ekki ofbeldi Ísraela gagnvart þeim né heldur ráni Ísraela á landi þeirra.

Hvað er svona barnalegt við lýsingu mína sex daga stríðinu? Í hverju er vanþekking mín fólgin? Það er staðreynd að í sex daga stríðinu réðust Ísraelar á nágrannaríki sín og hernámu þar það land, sem nú markar vesturbakkan og Gasa ásamt Gólanhæðum og Sínaískaga. Sínaískagi er eini hluti þeirra hernámssvæða, sem Ísraelar hafa skilað aftur.

Ísraelar reyndu í upphafi að láta líta svo út að Egyptar hefðu hafið þetta stríð með því að ráðast á bandarískt njósnaskip, sem hét Liberty með það í huga að sökkva því og drepa alla áhöfnina og kenna síðan Egyptum um þetta. Þeir reyndu að hindra fjarskipti frá skipinu þegar þeir réðust á það svo áhöfnin gæti ekki látið vita herjir væru að ráðast á þá. Áhöfninnni tókst að komast framhjá því og láta vita og í framhaldi af því var árásunum hætt eftir að á annað hundrað manns úr áhöfninni voru látnir. Þetta mál var þaggað niður í Bndaríkjunum og sett var á stofn hvítvottanefnd undir yfirskini rannsóknanefndar, sem var látin gefa út þá yfirlýsingu að þetta hafi verið óviljaverk hjá Ísraelum. Það eru hins vegar fullt af sönnunargögnum til um hið gagnstæða meðal annars vitnisburður tveggja Ísraelskra flugmanna, sem hafa sagt að eftir að þeir tilkynntu um að skipið væri Bandarískt en ekki Egyptskt eins og þeim hafði verið sagt þá var þeim gefin fyrirmæli um að halda árásinni áfram. Einnig hefur formaður hvítþvottanefndarinnar sagt frá því hvers kyns var varðandi rannsóknina.

Eftir að þessi tilraun til að kenna Egyptum um upphaf sex daga stríðsins þá hafa Ísraelar reynt að halda því fram alla tíð að nágrannaþjóðir þeirra hafi verið í þann mund að ráðast á þá og því hafi þeri einfaldlega þurft að vera fyrri til. Þessu til sönnunar hafa þeir bent á mikla liðsflutninga herja þeirra að landamærunum eða víglínunni við Ísrael. Staðreyndin er hins vegar sú að fram að þessu stríði voru Ísraelar búnir að vígbúast mjög mikið og því óttuðust nágrannaríki þeirra að þeir væru að búa sig undir hernað gegn þeim. Þeirra viðbrögð að flytja stóra hópa hermanna að landamærunum var því eðlileg miðað við þá ógn, sem þeir töldu vera af vígbúnaði Ísraela. Óttin við að Ísraelar væru að undirbúa árás reyndist síðan vera á rökum reistur og Ísraelar hófu mjög vel skipulagða leifturárás á nágrannaríki sín og tókst að ná markmiðum sínum á sex dögum.