Héðan og þaðan.....!!!!!

Hefðir....Jafnrétti

Drottningarmyndin er 4 stjörnu mynd, og miðað við leik á hún það fyllilega skilið. Helen Mirren á afburðaleik í The Queen þar sem hún leikur Elísabetu II Englandsdrottningu, myndin sýnir viðbrögðin við dauða Díönu prinsessu. Og þar takast sko hefðirnar á, hvernig almenningur bregst við, með Tony Blair nýbakaðan forsætiráðherra Bretlands með sýnar nýju hugmyndir, um hvernig útför prinsessunnar á að fara fram og þær hugmyndir eru þær sömu og alþýðunnar, og síðan gömlu hefðirnar og hugmyndir drottningar um sama mál. Og þar mætast stálin stinn.

,, Fylkingarnar reyna að finna málamiðlun á því sem er annars vegar persónulegur harmleikur konungsfjölskyldunnar og hins vegar krafna almennings um að konungsfjölskyldan sýni sorg sína á opinberan hátt.” Þetta stendur á umslaginu um myndina, en sjón er sögu ríkari. Drottningin rígheldur í gamlar hefðir, þar sem óleyfilegt er að sýna tilfinningar á hverju sem gengur. Prinsessan tilheyrir ekki lengur háaðlinum og skal því jarðast í kyrrþey og þá virðist ekki skipta máli, að Díana er móðir ríkisarfans. Drottningin einangrast í þessari ömurlegu afstöðu sinni og áður en lýkur verður hún að gangast inn á að.tímarnir eru breyttir.

Þegar ég horfði á þessa mynd þá datt mér í hug , hafa allir fylgt nútíma þróun.?????

Tökum sem dæmi, að konur leita jafnréttis og þá með þessu sem hæst ber núna, launajafnrétti kynjanna og því að vera kenndar við sitt kyn þegar að embættum kemur. (Konur eru ekki menn, að mati karla, Sumra, þá eru þær konur.) Karlar (Sumir) reka í besta falli upp hæðnishlátur og gera endalaust grín að konum, búa til allskonar ónefni í þessum vanmáttugu tilraunum sínum. Tímarnir eru breyttir strákar mínir, hvernig væri að fylgja þróuninni, tímanna tákni svo þið dagið nú ekki uppi? Jafnvel hundgamalt heimsveldi varð að beygja sig. Fyrir hverju? Þróuninni. Sá tími er liðinn, að konan átti bara að ala manni sínum börn og taka þegjandi framhjáhaldi hans, vera endalaust tilbúin að þóknast húsbónda sínum. Nýju nafnabreytingarnar eru bara hluti af nýja tímanum, það var alls ekki gert ráð fyrir því að konur yrðu nokkurn tíma ráðherrar eða forsetar, öll nöfn voru og eru ætluð karlinum og honum einum. En nú er tími breytinga.

Flokkur: Lífstíll | Laugardagur, 24. nóvember 2007 | Facebook

Athugasemdir

Eilífðarbarátta er þetta! Konur eru konur og karlar karlar, jafnréttið á að sjálfsögðu að vera ríkjandi svo framarlega sem virðingin er í heiðri haldið! Ein rauð rós inn í daginn kæra Sóldís Fjóla!

www.zordis.com, 26.11.2007 kl. 08:32

Takk fyrir rósina...hennar nýt ég. Flensan er á undanhaldi og nú er ég sko að vakna til lífsins.

Ekki get ég skilið af hverju jafnréttið á svona erfitt uppdráttar,ja....nema SUMIR karlar líti á jafnréttið sem valdatogstreytu. Konurnar sem ógnun við karlaveldið....úff. Manni er bara fírað út af sakramentinu fyrir svona skoðanir.

Takk fyrir innlitið,

Sóldís Fjóla