ÓTRÚLEGT....

Nú er verið að rannsaka alla þætti brunans í miðbænum.  Ég vil ekki trúa því að þessi hræðilegi bruni sé af mannavöldum.

Íkveikja ekki útilokuð í rannsókninni

Bruninn í miðborginni.....

Bruninn á gölmu húsunum i miðborg Reykjavíkur er sorgarsaga. Verður nokkurn tíma hægt að bæta upp þau menningarverðmæti sem urðu eldinum að bráð? Allavega á að reyna það samkvæmt orðum borgarstjóra og vonandi tekst það.

Slökkvilið og lögregla á vakt í alla nótt

Gleðilegt sumar....

Nú er þó sumarið komið, það fraus saman vetur og sumar og það er talið boða gott sumar.

GLEÐILEGT SUMAR  

Sumar og vetur frusu saman

Eins gott.....

Það er líklega eins gott að taka hótanir alvarlega þegar um eitthvað X e r að ræða. Stundum heldur fólk að allt verði í lagi, bara ef það hangir í ömurlegum samböndum og það sé sæmilega öruggt fjárhagslega. En það er bara ekki þannig í svo mörgum tilfellum. Eins gott að leita sér hjálpar.

Hætta af hótunum fyrri maka verði metin

Fresíur.....

Eru Fresíur ekki vorboði? Í einni af gönguferðunum mínum, gekk ég framhjá garði með ilmandi Fresíum. Gula og fjólubláar teygðu þær sig mót sólinni, rétt eins og mannfólkið. Þessi sjón gerði mig bjartsýna á að vorið væri ekki bara á almanakinu 19.apríl, heldur væri vorið næstum komið. En svo leit ég út í morgun og þá voru það snjóslitrur sem féllu til jarðar. En það var bara lítið. Ég trúi á Fresíurnar.  Þær standa fyrir sínu.

SÚKKULAÐI.....

Þessi ætti bara að fá sér súkkulaði þá sleppur lögreglan við tannlausan og kannski blautan koss.

Braut fölsku tennurnar og kossinn verður að bíða

ÓMENNING.....

Skotvopnaeign bandaríkjamanna er stórfurðulegt fyrirbæri. Er ekki viðbúið þar sem hægt er að nálgast morðtól án nokkurrar fyrirhafnar að bilað fólk notfæri sér þessar hagkvæmu aðstæður til að fremja voðaverk. Micael Moore gerði eina af sínum frægu kvikmyndum einmitt um þessi mál. Í einu fylki bandaríkjanna opnaði hann bankabók og verðlaunin voru: BYSSA.

Ástralir tóku hart á byssumálunum hjá sér og það hefur borið árangur. En verður það sama uppi á teningnum í bandaríkjunum. Verður tekið á þessum málum þar?

Forsætisráðherra Ástralíu gagnrýnir „skotvopnamenningu“ í Bandaríkjunum

AFTÖKUR....

Hvað gengur fólki til sem hegða sér svona, sára saklausu fólki still upp og það skotið. Er hægt að  kenna því um hve auðvelt ar að verða sér úti um skotvopn í USA? Byssan gerir ekkert sjálf, það er persónan sem heldur á skotvopninu sem ræður úrslitum. Getur fólk misst svona algjörlega stjórn á sér útaf ástarsorg? Það er allavega látið liggja að því að maðurinn hafi verið að leita vinkonu sinnar!

Það er ekki nema von að fólki hrylli við, þegar það fréttir af svona hræðilegum atvikum. Hvernig líður fólki sem er stillt upp fyrir framan byssukjaft og það veit að því er engrar undankomu auðið. Það er skelfileg tilhugsun, hvað hugsar fólk á þessum síðustu andartökum?

Í mörg undanfarin ár hef ég heimsótt veika vinkonu mína, hún planleggur dauðastundina eins og hún sé bara að skreppa af bæ. Ég afber þetta varla og finn til einhversstaðar inni í mér, einhvern sársauka sem ég get á engan hátt stjórnað. Það hefur verið langur aðdragandi að sjálfum dauðanum en núna nálgast hann óðum. Hver er munurinn á því að hafa langan aðdraganda eða að mæta endalokunum skyndilega, fyrirvaralaust? Mannskepnan er nú einu sinni þannig gerð að hún hræðist það óþekkta og dauðinn er svo endanlegur. Við vitum alls ekki hvað tekur við, eða hvort það tekur nokkuð við? Eitt er víst að meðan við þekkjum ekki andstæðinginn þá erum við í varnarstöðu. Og hver þekkir dauðann?

 

Skotmaðurinn sagður hafa leitað að vinkonu sinni í skólanum

Því segi ég það.....

Súkkulaði er allra meina bót, verst að  það er engan veginn nógu gott fyrir líkamsvöxtinn.En það virkar, samkvæmt rannsóknum vel á flest annað. Ég fer nú að skilja betur auglýsinguna um parið sem er að gifta sig og væntanlegur eiginmaður undirgengst, uppþvott og skúringar fyrir sína heittelskuðu, hann lofar öllu fögru við altarið og vonar sjáanlega það besta, en hún bryður bara súkkulaði í gríð og erg. AHA....þá veit maður hvað er í gangi.

Súkkulaði hefur meiri áhrif á heilann en ástríðufullur koss

Sumir þrífast á athygli.....

Auðvitað fylgir frægðinni athygli, fólk sækist eftir frægð og henni fylgir athygli. Enda gerir fólk ótrúlegustu hluti til að vekja athygli. Endalausar myndatökur við ótrúlegustu aðstæður, til hvers? Til að vekja og viðhalda athygli.

Það verður ekki bæði valið og hafnað, blaðamennirnir sem elta stjörnurnar eru að vinna fyrir kaupinu sínu, og það er ekkert smá ef þeir ná góðum myndum. Og það virðist alltaf vera til fólk sem vill akkúrat þetta, skandala og helst sem neikvæðastar aðstæður. Það er nefnilega fólkið sem ræður ferðinni, og kaupir blöðin. Oft er það þannig að almenningur getur betur sætt sig við eigin kjör og vandamál ef fræga fólkið er í vandamálum líka.  Og svo er það klæðnaðurinn, það er kosið um allt, verst klædda eða verst klæddi leikarinn og svo öfugt sá/sú.... best klæddi. Þegar er verið að veita verðlaun fyrir kvikmynd sem dæmi þá hverfa myndir alveg í skuggann, það er klæðnaður viðstaddra sem hefur þyðingu.

Svo nú er um að gera að lesa og skoða myndirnar af fræga fólkinu. Og það heitir athygli.

Tobey Maguire gagnrýnir athyglisjúkar stjörnur