DUDE....IS MY NAME.....

Það er alveg furðulegt þegar fólk vill ekki sitt eigið nafn, heldur vill það frekar ganga undir furðulegum dulnefnum. Eins og t.d. SATAN og sá hafði nú ekki og hefur ekki enn gott orð á sér.

Hvort þetta er gert til að fela sig á bak við, allavega er þetta mjög undarlegt. Það er til í dæminu að einhver sveipaður þessari hulu kalli sig UGLU. En samt kemur ekkert af viti úr þeirri áttinni. Er ekki Uglan vísdómsfugl.?

Sumir kalla sig einhverju sárasaklausu nafni, bara ekki sínu. Sum þessara nafna hafa einhverja merkingu, en sum alls ekki. Og þá er ekki nokkur leið að botna í þessu, nema að fólk vill ekki sitt eigið. Bara eitthvað til að leita skjóls í, fela sig. Eitthvað sem hugsanlega tilheyrir einhverjum öðrum.

Hún er svo furðuleg þessi löngun til að eignast það sem aðrir eiga, og njóta þess, auðvitað í leynum.Þetta er umhugsunarefni fyrir foreldra að skíra börnin sín réttum nöfnun, því að um leið og krakkaskammirnar hafa aldur til nota þau nöfn annara.  Nafngiftir eru alls ekki merki um skýrleika, það er auðséð, fyrst fólk notar fyrsta færi á að breyta.

Þetta er umhugsunarefni......

Athugasemdir

[Sigfús Sigurþórsson., 28.3.2007 kl. 12:35]

Nafngiftir koma af til af mörgum ástæðum, sumar nafngiftir koma til vegna fyrirtækis sem viðkomandi kanski á, eða bara nafnið í miklu uppáhaldi, hvað segir þú til dæmis um mig? ég nota svona nafngift, en það er ekki vegna þess að ég sé að fela mig, það sjá allir sem kíkja á upplýsingarnar um mig. Mér finnst ekkert að því að fólk noti sín gælunöfn, svo lengi sem það er ekki einhver feluleikur á bak við það.

[Sóldís Fjóla Karlsdóttir, 28.3.2007 kl. 14:20]

Þetta sem þú segir er örugglega rétt hjá þér, og það er hverjum og einum í sjálfsvald sett hvaða nöfn eru notuð, svo lengi sem það er ekki notað í blekkingarskyni. Sjálf hef ég kynnst aðeins svona nafnabreytingum, en oftar en ekki hefur það verið af nauðsyn, frekar en hitt. En allavega þá er þetta eins og svo margt annað misnotað. Það sem ég segi í þessu bloggi er alls ekki þér ætlað, né neinum ákveðnum öðrum, enda gerir þú fullkomlega grein fyrir þér. Þetta blogg var alls ekki ætlað til að móðga neinn. Bestu kveðjur, Sóldís