Ummm......!!!!!!

Var í laugunum í dag, þar voru stödd tvenn frönsk pör sem kysstust og knúsuðust. Sem betur fer var ég með sólgleraugu þá sást ekki að ég var að gjóa til þeirra augunum.

Auðvitað vakti þetta athæfi athygli íslendinganna sem voru staddir í pottinum, sem vissu hreint ekki hvernig þeir áttu að vera. Kannski að þeir hefðu þurft einhverja kennslu í opnum tilfinningum. Það er víst sagt, að ef maður er í góðum tengslum við eigin tilfinningar, þá láti maður þær í ljósi.  En í sundlaugunum? Eitthvað var landinn efins, hvort þetta væri nú staðurinn fyrir kossa og knús.

Þetta er stundum spurningin, að gera hlutina á réttum stað og á réttum tíma. Vitum við ekki nokkurn vegin hvað passar, þurfum við að láta segja okkur, hvenær passar að gera vissa hluti.

En kossar og knús, myndi nú einhver segja, hverskonar fordómar eru þetta eiginlega? Frá hvaða plánetu ert þú eiginlega?  Það er nú það....um þetta og ýmislegt annað eru skiptar skoðanir, humm.  Hvað má, ég bara spyr.

Heyrumst......

Athugasemdir

[Ólafur fannberg, 6.3.2007 kl. 22:32]

ég kem frá annarri plánetu hehehe