Er maðurinn ekki Repúblikani.....?????

Nú þykir mér týra, John McCain að krítisera George W. Bush. Er McCain ekki í forseta framboði fyrir sama flokk og Bush stendur fyrir?

Hverjum er kreppan að kenna? 

Segir Bush hafa brugðist

Athugasemdir

[Helgi Hrafn Gunnarsson (IP-tala skráð) 22.9.2008 kl. 13:40]

Hann er Republikani jú, en einmitt þess vegna verður hann að ráðast á Bush, vegna þess að Bush er svo óvinsæll að það er orðið fyndið. Meira að segja íhaldssamir Republikanar eru brjálaðir út í Bush.

McCain er samt þekktur fyrir að vera ósammála flokknum nokkurn veginn þegar honum sýnist. Það er litið á það sem styrkur hans vegna óvinsælda flokksins, þrátt fyrir að vera Republikani. Hann er vissulega meira sammála Bush en Obama, svo mikið er víst.

En hverjum kreppan sé að kenna er nokkuð umdeilt og erfitt að segja. Ég er svo illa innrættur að ég kenni Wall Street um og bankanöðrunum almennt, en þó gengur vald þeirra á fáfræði almennings, þannig að það er svolítið henni að kenna líka. Fólk hefur verið að fá of mikið lánað og verið að eyða of miklu í hluti sem borga sig ekki, meðfram því sem bankarnir hafi misnotað sér þær aðstæður.

Lausnin er alltaf sú sama; kapítalismi fyrir almenning en sósíalismi fyrir bankana. Þegar bankinn er að fara á hausinn verður að borga skuldirnar hans fyrir hann, en þegar einstaklingur fer á hausinn er það bara honum sjálfum að kenna. Munurinn er vitaskuld sú að bankarnir hafa mun meiri völd og meira forskot en almenningur, og ef hann fellur, kemur það öllum illa. Þetta er galli í kapítalískri hugsjón sem aldrei hefur verið dílað við.

[Rut Sumarliðadóttir, 22.9.2008 kl. 15:09]

Tek undir með Helga, bankarnir eiga mesta sökina. Góður punktur með skuldir bankanna og svo almennings. Held annars að McCain sé að nota allt til að fá kosningu. Skemmst að minnast varaforsetaefnið sem ég held að hafi verið útspil sem lukkaðist ekki alveg miðað við fjaðrafokið sem hefur verið í kring um hana.